Sot janë bëtë 29 vjet nga rënia e Afrim Zhitisë dhe Fahri Fazliut.
Presidenti i vendit, Hashim Thaçi, në 29-vjetorin e rënies së heronjve të kombit, Afrim Zhitia e Fahri Fazliu, ka thënë se nuk do të harrohet kurrë vepra, trimëria dhe lufta e tyre për liri.
“Afrimi dhe Fahriu ishin simbol dhe frymëzim i rezistencës sonë për mbrojtjen e atdheut kundër regjimit serb”, ka shkruar Thaçi.
Ky është postimi i plotë:
Veprën, trimërinë dhe luftën për liri të Afrim Zhitisë dhe Fahri Fazliut, nuk do ta harrojmë kurrë. Edhe sot në 29 vjetorin e rënies së tyre, i kujtojmë ata me konsideratën dhe respektin më të thellë. Afrimi dhe Fahriu ishin simbol dhe frymëzim i rezistencës sonë për mbrojtjen e atdheut kundër regjimit serb. /Kosova Post/
