Të paktën 36 terroristë të PKK-së janë neutralizuar në kuadër të operacioneve antiterroriste në të gjithë Turqinë gjatë javës së kaluar, njoftoi Ministria e Brendshme e vendit.
Autoritetet turke shpesh përdorin fjalën “neutralizim” në deklaratat e tyre për të nënkuptuar se terroristët në fjalë janë dorëzuar, vrarë ose kapur.
Ministria përmes një deklarate tha se Forcat e Armatosura të Turqisë kanë kryer 1.994 operacione antiterroriste tokësore dhe ajrore në periudhën 23-30 korrik.
Ministria njoftoi se 18 prej terroristëve janë vrarë, gjashtë të tjerë janë kapur dhe 12 u janë dorëzuar autoriteteve.
PKK cilësohet si organizatë terroriste nga Turqia, SHBA dhe BE. Në fushatën terroriste kundër Turqisë, e cila ka zgjatur më shumë se tre dekada, janë vrarë mbi 40 mijë njerëz, përfshirë gra dhe fëmijë.
