Presidenti turk, Recep Tayyip Erdogan bëri sot betimin e tij parlamentar për një mandat të ri në vend.
Ai do t’u përmbahet vlerave të republikës laike dhe do të mbrojë të drejtat e njeriut.. Anëtarët e opozitës nuk u ngritën në këmbë ndërsa Erdogan bëri betimin, pavarësisht rregullave, në një akt proteste.
Erdogan fitoi balotazhin e zgjedhjeve presidenciale të 28 majit, duke marrë një mandat tjetër pesëvjeçar që forcon kontrollin e tij në pushtet pas 20 vjetësh sundimi.
Opozita kritikoi presidentin 69-vjeçar për prirjet e tij autoritare dhe fushatën e padrejtë zgjedhore.
Erdogan e mori mandatin e tij nga Devlet Bahçeli, i cili drejton partinë e tij aleate nacionaliste MHP dhe është ushtrues detyre i kryetarit të dhomës. Ceremonia u pasua nga një përshëndetje me 101 armë zjarri.
Presidenti ka planifikuar të vizitojë mauzoleun e themeluesit të republikës moderne Mustafa Kemal Atatürk, ku do të marrë pjesë në një ceremoni inaugurimi në pallatin e tij presidencial dhe do të presë vizitorë të huaj për një darkë shtetërore.
Më vonë, presidenti pritet të shpallë kabinetin e tij.
