Turqia anuloi një vizitë të ministrit suedez të Mbrojtjes në Ankara, në përgjigje të një proteste në Stokholm, ku do të digjet një kopje e Kuranit.
“Vizita e ministrit suedez të Mbrojtjes, Pal Jonson në Turqi më 27 janar ka humbur rëndësinë dhe kuptimin e saj në këtë pikë. Prandaj, ne e anuluam vizitën”, tha ministri turk i Mbrojtjes, Hulusi Akar.
”Suedia ka dështuar të marrë masa kundër protestave të neveritshme antiturke”, tha Akar.
Ankaraja është e zemëruar që Stokholmi po e lejon politikanin e krahut të djathtë Rasmus Paludan të protestojë përpara ambasadës turke.
Paludan tha se kishte planifikuar të digjte një kopje të Kuranit, teksti i shenjtë i Islamit, gjatë protestës së tij.
Stokholmi po përgatitet sot gjithashtu për një seri demonstratash të veçanta të planifikuara nga grupet pro kurde dhe pro turke.
Vizita e planifikuar nga ministri suedez u përpoq të lehtësonte shqetësimet turke për terrorizmin duke thënë se këto duhet të adresohen përpara se të ratifikohet aplikimi i Suedisë për t’u bashkuar me aleancën e NATO-s.
Turqia akuzon Suedinë për mbështetjen e grupeve të cilat Ankaraja i konsideron terroriste.
Suedia dhe Finlanda fqinje aplikuan për t’u anëtarësuar në NATO në maj të vitit të kaluar, pas pushtimit rus të Ukrainës.
Të 30 anëtarët e NATO-s duhet të ratifikojnë ofertat e tyre.
Vetëm Turqia dhe Hungaria nuk e kanë miratuar ende zgjerimin.