Ukraina pret një qëndrim të qartë nga Gjermania për “shndërrimin e gazit natyror në armë” nga Rusia, tha të premten kryediplomati ukrainas, Dmytro Kuleba, raporton Anadolu Agency (AA).
Deklarata nga Kuleba erdhi gjatë një konference shtypi së bashku me ministrin e Jashtëm të Moldavisë dhe Integrimit Evropian, Nicu Popescu.
Duke komentuar fitoren në zgjedhje të presidentes pro-evropiane të Moldavisë Maia Sandu, Kuleba tërhoqi vëmendjen për pjesëmarrjen e Sandu-s në programin e Krimesë më 23 gusht.
Ukraina gjithashtu mbështet integritetin territorial të Moldavisë, vuri në dukje ai.
Siguria e energjisë ishte midis çështjeve të diskutuara në takimin e tij me Popeskun, tha Kuleba.
“Ne i kemi dhënë Moldavisë gaz natyror më parë. Bashkëpunimi ynë në këtë fushë do të vazhdojë”, shtoi ai.
Moldavia dhe Ukraina mund të kapërcejnë presionin rus duke bashkëpunuar, tha ai.
I pyetur në lidhje me komentet e fundit të presidentit rus Vladimir Putin në lidhje me mundësinë e rritjes së furnizimit me gaz natyror në Evropë kur të miratohet linja e gazit Rrjedha Veriore 2, Kuleba përsëriti se Rusia përdorë gazin natyror “si armë”.
Popesku tha se ata të dy diskutuan anëtarësimin në BE, i cili është një synim i përbashkët për të dy vendet, si dhe çështjet rajonale.
Të dy vendet mbështesin integritetin territorial të njëri-tjetrit, tha ai, dhe falënderoi Ukrainën për rolin e saj në zgjidhjen paqësore të problemit të Transnistrisë, shteti separatist i panjohur në Moldavinë veriore.
Duke konfirmuar mundësinë e furnizimit me gaz natyror nga Ukraina, Popesku tha se ai dhe Kuleba ranë dakord për udhëtimin pa pasaportë midis Ukrainës dhe Moldavisë.