Palestinezi 16-vjeçar Usame Ali el-Beden, i cili u qëllua nga ushtarët izraelitë kur ai me duar të lidhura dhe sy të mbyllur përpiqej të ikte, i ka mbijetuar plagës.
Beden u arrestua gjatë protestave në Bregun Perëndimor. Duke dashur të shpëtoj nga ushtarët izraelitë, ikte me duar të lidhura dhe me sy të mbyllura, pas çka u qëllua nga një ushtarë.
Beden u shtrua në spitalin “Huseyin” në Betlehem. Për AA tregoi se ishte arrestuar gjatë protestave të enjten në Takka në jug të Betlehemit. Ata protestonin kundër vdekjes së një palestineze, e cila kishte pësuar një aksident trafiku me një kolon hebre.
Sipas tij, e arrestuan ushtarët izraelit duke ia lidhur duart dhe sytë. Beden thotë se ishte përpjekur të ikte, por se kanë gjuajtur në drejtim të tij dhe e kanë qëlluar në këmbë.
Më tej, ai thotë se disa njerëz që ndodheshin në afërsi kanë tentuar ta dërgojnë në spital, por se nuk u lejuan nga ushtarët izraelit.
“Ushtarët izraelit me dashje përpiqeshin të më vrisnin”, tha i mituri palestinez.
Atë e shpëtuan palestinezët, në mesin e të cilëve ishte edhe një grua, të cilët e morën përkundër kundërshtimit të ushtarëve izraelit dhe e dërguan në spital.