TIRANE- Detaje të reja janë zbardhur në lidhje me vrasjen e Can Kariçit, mbrëmjen e djeshme në Kodër Kamëz.
Autorët dyshohet se ishin dy, ndërsa makina me të cilën levizën dhe kryen vrasjen u gjet duke u djegur në Institut.
Kariçi kishte precedentë të mëparshëm penal në fushën e krimeve kundër personit. Ai ishte arrestuar në fund të muajit shkurt 2021 për armëmbajtje pa leje, por është liruar në rrethana të paqarta nga gjykata.
Aktualisht ai ishte nën masën e arrestit shtëpiak. Por pavarësisht këtij fakti, edhe pse atij i ishte zbutur masa e sigurisë nga “arrest në burg”, në “arrest shtëpie” dhe akuzohej për armëmbajtje pa leje, sërish Karriqi ka vijuar të mbajë me vete pistoletë për shkak se i druhej një sulmi me armë.
Kariçi nuk e ka respektuar as masën e “arrestit të shtëpisë” dhe ka lëvizur lirshëm edhe pse i druhej një sulmi të mundshëm.
Kariçi u gjet brenda makinës së tij, rreth orës 20:00 mbrëmjen e kaluar. 35-vjeçari u dërgua në spital, por rrugës ndërroi jetë. Policia nuk ka ende një pistë mbi ngjarjen.
