Presidenti i Serbisë, Aleksandar Vuçiç ka reaguar në mënyrë interesante i pyetur rreth raportimeve të sotme nga “Telegrafi” serb.
Presidenti i Serbisë, Aleksandar Vuçiç ka thënë se shqiptarët do të krijojnë një bust për një serb në vitin e ardhshëm, duke komentuar raportimet e portalit serb “Telegraf” se Vuk Jermiq më 2005 kishte kërkuar nga Rusia ta njohë pavarësinë e Kosovës.
Vuçiç duke u përgjigjur në pyetjet e gazetarëve për koment ndaj raportimeve nga “Telegraf” ka thënë se të gjithë serbët, nëse dëshirojnë të jenë të ndershëm me veten, të gjitha i dinë dhe të gjitha i kuptojnë.
“Prisni për ta parë se kujt nga serbët, shqiptarët do t’i krijojnë bust në Prishtinë dhe të jeni të sigurt se nuk do të jem unë, por dikush tjetër, duke u thirrur mbi të gjitha në vendimet e Gjykatës Ndërkombëtare nga viti 2010”, deklaroi Vuçiç.
“Kur nuk bartni përgjegjësi, është e lehtë të mos silleni seriozisht. Unë nuk mundem dhe t’ia lejojë vetes”, shtoi ai. Vuçiç ka thënë se të gjithë e dinë se çfarë kishte ndodhur në vitin 2008 kur Kosova e shpalli pavarësinë, por edhe në vitet në vazhdim. “Por, nuk kanë bërë asgjë dhe vetëm dëme”, theksoi Vuçiç.
