Kancelaren gjermane, Angela Merkel është takuar me presidentin serb Aleksandër Vuçiç.
Presidenti serb ka shfrytëzuar rastin që t’i ankohet kancelares gjermane për taksën që i ka vu Kosova prodhimeve serbe. Temë kryesore e këtij takimi ishte edhe çështja e dialogut mes Prishtinës dhe Beogradit.
Sipas mediave serbe, Vuçiç në këtë takim nuk e ka lënë pa përmendur edhe lëvizjen e fundit të Prishtinës zyrtare në lidhje me vendosjen e taksës shtesë për importin e mallrave serbe.
Presidenti serb, citohet ti ketë thënë kancelares gjermane se një veprim i tillë sipas tij përbën shkelje të marrëveshjeve ndërkombëtare.
Nga ana tjetër, Merkel në këtë takim ka ripërsëritur qëndrimin e saj se dëshiron të ndihmojë për paqe në rajonin e Ballkanit./Kosova Post/
