Ambasadorja amerikane, është paraqitur këtë të enjte në Prokurorinë e Posaçme rreth orës 12:00, ku ka zhvilluar një takim me Prokurorët e kësaj strukture dhe me drejtuesin Arben Kraja.
Ajo ka qëndruar për rreth 30 minuta në SPAK.
Mësohet se ndër të tjera ambasadorja ka shkuar në SPAK për t’i dhënë kurajë 3 kandidatëve për garën e kreut të SPAK, Adnand Xholi, Altin Dumani dhe Edvin Kondilli.
Kim u ka thënë kandidatëve se gara duhet të jetë e drejtë e mos ketë ndërhyrje.
“Rrini sa më larg politikës. Jemi besim plotë ndaj këtij institucioni dhe keni mbështetjen tonë”, u ka thënë kandidatëve Yuri Kim.
Një ditë me parë përfundoi edhe afati për dorëzimin e kanditaturave për drejtimin e SPAK. Tashmë KLP pritet të intervistojë tre kandidatët, Adnand Xholi, Altin Dumani dhe Edvin Kondili. Ndërkohë, kreut aktual të SPAK, Arben Krajës i mbaron mandati i tij 3-vjeçar në datën 18 dhjetor.
Kim i është drejtuar edhe mesazhe që prokurorët e strukturës antikorrupsion të godasin zyrtarët e lartë të korruptuar”.
