Akordimi i 13 miliardë eurove për Fondin e ri të Mbrojtjes në buxhetin shumëvjeçar pas 2020, është propozimi i miratuar në seancën plenare në Strasburg nga Parlamenti Europian, me 337 vota pro, 178 kundër dhe 109 abstenime.
“Fondi Europian i Mbrojtjes synon të zhbllokojë potencialin e industrisë së mbrojtjes të shteteve anëtare duke mbështetur në një bashkëpunim më të gjerë ndërmjet kompanive në këtë sektor”, shpjegoi deputeti i Grupit të Konservatorëve dhe Reformistëve në Parlamentin Europian, Zdzislaw Krasnodebski, sipas të cilit bashkëpunimi midis vendeve të BE “do të stimulojë inovacionin në Europë dhe forcimin e ekonomisë së kontinentit”.
Teksti i miratuar në seancën plenare propozon 4,1 miliardë euro për financimin e projekteve inovative.
Pothuajse nëntë miliardë euro do të plotësojë investimet e shteteve anëtare në sektorin e mbrojtjes, bashkëfinancimin e kostove të zhvillimit, testet e fizibilitetit dhe certifikimet./ATSH-ANSA