Ushtarët izraelitë martirizuan një palestinez, për të cilin pretendohet se përpiqej të kalonte kufirin nga jugu i Rripit të Gazës.
Sipas informacioneve të marra nga burimet policore, ushtarët izraelitë kanë hapur zjarr ndaj një grupi të palestinezëve, të cilët pretendohet se përpiqeshin të kalonin kufirin në afërsi të qytezës Huzaa të Han Yunusit. Si pasojë e sulmit një palestinez ra dëshmor.
Zëdhënësi i ushtrisë së Izraelit, Avichay Adraee në një deklaratë tha se është parandaluar tentativa e dy palestinezëve për të kaluar kufirin, të cilët pretendohet se mbanin sëpata në dorë.
Në deklaratë thuhet se si pasojë e gjuajtjes me armë zjarri njëri nga palestinezët ka humbur jetën.
