Boris Johnson nxiti Presidentin amerikan Donald Trump që të mos heqë dorë nga pakti bërthamor me Iranin, duke thënë se në këtë pikë delikate, tërheqja do të ishte një gabim.
Megjithëse nuk do të takohet me Trumpin, Johnson po shfrytëzon të gjitha kanalet e mundshme të komunikimit për të ndikuar sadopak tek Presidenti amerikan. Në një artikull në “New York Times”, Johnson thotë se nga të gjitha opsionet për të mos lejuar Iranin që të ketë armë bërthamore, plani aktual ka më pak disavantazhe.
Sigurisht, edhe ky plan ka të metat e tij, shton Johnson, por ato mund të riparohen. Në Uashington, Johnson do të takohet me zëvendëspresidentin Mike Pence, këshilltarin e Sigurisë Kombëtare, John Bolton dhe liderët e politikës së jashtme në Kongres.
Pritet që edhe atyre Johnson t’i dërgojë të njëjtin mesazh, se tani që Iranit i janë vënë prangat, është mirë që ato të shtrëngohen dhe jo të hiqen.
Top Channel
