Drejtori i Zyrës për Kosovë në qeverinë e Serbisë, Marko Gjuriç ka kërcënuar me ndërprerje të dialogut nëse pesë serbët e arrestuar sot nuk lirohen.
Ai ka theksuar se ky mesazh vjen nga presidenti serb, Aleksandar Vuçiç duke shtuar se edhe përfaqësuesit e Bashkimit Europian tashmë janë informuar në lidhje me këtë çështje mirëpo ende nuk kanë kthyer përgjigje.
Policia e Kosovës zhvilloi sot një aksion në rajonin e Gjilanit ku arrestoi pesë serbë nën dyshimet se janë përfshirë në veprimtari kundër rendit kushtetues dhe sigurisë së Kosovës./Kosova Post/