Një ngjarje e pazakontë ka ndodhur sot, dhe jo në tokë por në qiell! Një nënë e cila po udhëtonte nga Arabia Saudite drejt Malajzisë u kujtua me vonesë se e kishte harruar fëmijën e saj në aeroport, gjë që e bëri aeroplanin të kthehej mbrapsht dhe ta merrte fëmijën.
Një video e publikuar në internet tregon momentin kur piloti kërkon leje të zbres sërish në aeroportin nga ku ishte nisur, për të marrë fëmijën e lënë në aeroport.
“Zoti qoftë me neve. A mund të kthehemi?” u tha piloti kontrolluesve të trafikut, duke shprehur dhembshuri për foshnjen e harruar, dhe pergjigja sigurisht se ishte pozitive.
Edhe stafi i kontrollimit të trafikut kishte thënë se kjo është dicka e padëgjuar për ta. (Mesazhi)
