Të paktën katër persona e kanë humbur jetën në një kamp fëmijësh në qytetin Habarovsk të Rusisë si pasojë e shpërthimit të një zjarri.
Qendra Mediale e Prefekturës në Habarovsk njoftoi se numri i të vdekurve nga zjarri në kampin e fëmijëve “Holdomi” është rritur në katër.
Nga zjarri janë plagosur mbi 10 persona ndërsa policia ka nisur hetime mbi rastin.
Kryeministri rus, Dmitry Medvedev, tha se ka kërkuar që të inspektohet se në sa kampe përdoret sistemi i ngrohjes në çati. Ai e cilësoi si të “papranueshëm” incidentin.
