Shefi i grupit parlamentar të Nismës Socialdemokrate, Bilall Sherifi, duke komentuar deklaratat e presidentit të Serbisë, Aleksandar Vuçiç, ka thënë se nëse ai nuk e donë Limajn për kryesues të delegacionit të Kosovës, por Thaçin, atëherë edhe Kosova e do liderin e Partisë Demokratike Liberale të Serbisë, Çedomir Jovanoviç për kryesues të delegacionit të Serbisë dhe jo Vuçiçin.
Sherifi ka shkruar në Facebook se “presidenti i Serbisë Aleksandër Vuçiç i paska dhënë vetes të drejtë të na tregojë se kush duhet dhe kush nuk duhet të udhëheqë delegacionin e Kosovës në bisedime me Serbinë”.
Postimi i plotë i Sherifit:
“Duam të bisedojmë me Çedomir Jovanoviçin dhe jo me Aleksandër Vuçiçin!
Presidenti i Serbisë Aleksandër Vuçiç i paska dhënë vetes të drejtë të na tregojë se kush duhet dhe kush nuk nuk duhet të udhëheqë delegacionin e Kosovës në bisedime me Serbinë.
Duke u bazuar në të njejtin parim edhe Kosova do të kishte të drejtë të vendosë se kush duhet dhe kush nuk duhet të udhëheqë delegacionin e Serbisë.
Nëse Vuçiçi nuk e don Limajn për kryesues të delegacionit të Kosovës por Thaçin atëherë edhe ne e duam politikanin serb Çedomir Jovanoviç për kryesues të delegacionit të Serbisë dhe jo Vuçiçin!”, ka shkruar Sherifi.
Serbia nuk e pranon Limajn si kryenegociatorPresidenti i Serbisë, Aleksandar Vuçiç tha dje se ditët e fundit ishin të rënda për shkak të zhvillimeve në 72 orët e fundit, duke filluar nga presionet mbi Listën Serbe dhe Qeverinë e Serbisë, duke emëruar Fatmir Limaj për kryesues të delegacionit qeveritar të Kosovës në bisedimet në dialogun në Bruksel.
Vuçiç tha se Lista Serbe nuk e pranon Limajn për kryesues të delegacionit negociator kosovar./Kosova Post/