Turqia thirrje Kinës: Mbyll kampet e internimit për myslimanët

58
0

Turqia i bëri thirrje Kinës që të mbyllë kampet e internimit për myslimanët, duke thënë se kampet që thuhet se mbajnë rreth një milion njerëz etnik Ujgurë, janë një “turp i madh për njerëzimin”.

Javën e kaluar, aktivistët e të drejtave të njeriut i kërkuan kombeve evropiane dhe myslimane të marrin drejtimin në ngritjen e një hetimi të OKB-së për ndalimin e Kinës dhe “indoktrinimin e detyruar” të deri në një milion Ujgurëve, të cilët flasin gjuhën turke, por edhe myslimanë të tjerë në provincën Xinjiang.

“Politika e asimilimit sistematik kundër turqve ujgurë, që kryhen nga autoritetet e Kinës, është një turp i madh për njerëzimin”, tha zëdhënësi i ministrisë së jashtme turke Hami Aksoy në një deklaratë të shtunën vonë.

“Nuk është më sekrete se më shumë se një milion turq të ujgurëve, që arrestohen në mënyrë arbitrare, i nënshtrohen torturës dhe pastrimit politik të trurit, në kampet dhe burgjet e internimit”, tha Aksoy.

Përgjigjja e Turqisë pason vdekjen e poetit dhe muzikantit ujgur, Abdurehim Hejit, në paraburgim. Pekini përballet me një presion ndërkombëtar në rritje rreth programit të tij të ashtuquajtur “de-radikalizim” në krahinën e tij perëndimore.

Ankaraja i bëri thirrje bashkësisë ndërkombëtare dhe sekretarit të përgjithshëm të OKB-së të ndërmarrin veprime. Kina thotë se mbron fenë dhe kulturën e pakicave të saj etnike dhe se masat e sigurisë në Xinjiang janë të nevojshme për të luftuar grupet që nxisin dhunën atje.

PËRGJIGJU

Please enter your comment!
Please enter your name here