Dita e sotme ka sjellë edhe rekordin tjetër të radhës: Në Zvicër dhe Lihtenshtajn, janë raportuar gjithsej tre (3) infeksione të reja me virusin e koronës.
Këtë e tregojnë shifrat e reja nga Zyra Federale e Shëndetit Publik BAG) të publikuara të martën.
Por, këtë shifër duhet marrë me rezervë pasi që shumë kantone nuk i kanë azhurnuar të dhënat e tyre gjatë ditëve të festës së Rrëshajëve.
Të hënën, siç kemi shkruar, ka pasur nëntë raste të reja të infeksionit.
Numri i atyre që deri më tani kanë vdekur nga sëmundja Covid 19 mbetet i pandryshuar, pasi që nuk ka pasur vdekje të reja.
Sipas BAG ai është 1657.
Ndërkaq sipas worldometters.info dhe agjencisë Keystone-SDA, janë 1920 të vdekur, 30874 të infektuar deri më tani dhe 28.500 të shëruar.
