Një 49-vjeçar është hedhur nga kati i pestë i pallatit në Tiranë, duke i dhënë fund jetës në mënyrë tragjike.
Burime nga policia bëjnë të ditur se viktima është Sh. L., 49 vjeç.
Ngjarja ka ndodhur në rrugën “Fitnete Rexha” në kryeqytet.
49-vjeçari ka ndërruar jetë menjëherë.
Sakaq, kanë nisur hetimet për zbardhjen e plotë.
“Me datë 24.03.2022, në rrugën “Fitnete Rexha”, dyshohet se është vetëhedhur nga kati i pestë i pallatit ku banonte, shtetasi Sh. L., 49 vjeç, i cili si pasojë ka ndërruar jetë.
Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e policisë.
