ELBASAN– 2 persona janë vënë në pranga në Elbasan pasi akuzohen për dhunë në familje. Një 29-vjeçar u prangos pasi ka dhunuar prindërit e tij ndërsa një 64-vjeçar kunatën e tij.
NJOFTIMI
Elbasan/Vihen në pranga 2 shtetas, për veprën penale “Dhuna në familje”.
Specialistët për Hetimin e Krimeve në Komisariatin e Policisë Elbasan arrestuan në flagrancë shtetasin A. R., 29 vjeç, banues në Elbasan, pasi ka ushtruar dhunë fizike dhe psikologjike ndaj prindërve të tij.
Gjithashtu Specialistët për Hetimin e Krimeve në Komisariatin e Policisë Librazhd arrestuan në flagrancë shtetasin M. Ç., 64 vjeç, banues në Librazhd, pasi për motive të dobëta, ka ushtruar dhunë fizike dhe psikologjike ndaj bashkëshortes së vëllait të tij.