Numri i vdekjeve në Kinë nga shpërthimi i koronavirusit është rritur në 2,717, bëri të ditur sot Komisioni Kombëtar i Shëndetësisë së këtij vendi (AA).
Komisioni tha se 52 persona kanë vdekur në 24 orët e fundit ndërsa 406 raste të reja janë zbuluar nga autoritetet shëndetësore, duke sjellë numrin e përgjithshëm të rasteve të konfirmuara në më shumë se 79.108.
Rreth 78.064 persona aktualisht janë nën kujdesin mjekësor, ndërsa numri i pacientëve të liruar arrin rreth 29.745.
Jashtë Kinës, ka 85 raste të regjistruara në Hong Kong dhe 10 të tjera në Macau.
Koronavirusi, i njohur zyrtarisht si COVID-19, është përhapur në mbi 25 vende tjera, përfshirë SHBA-të, Britaninë e Madhe, Singaporin, Francën, Rusinë, Spanjën dhe Indinë.
