Së paku katër persona humbën jetën në një aksident ajror që ndodhi në shtetin amerikan të Teksasit.
Të katër udhëtarët e një avioni të vogël Piper PA-46 humbën jetën gjatë aksidentit që ndodhi jo shumë larg nga aeroporti Hilltop Lakes i Teksasit.
Avioni po fluturonte nga Austin për në Luiziana. Mediat lokale raportojnë se aksidenti u shkaktua nga një defekt në motorin e avionit dhe se piloti nuk arriti të bënte ulje të detyruar në aeroportin Hilltop Lakes.
Shërbimi kompetent amerikan ka filluar një hetim për aksidentin.