A Është E Dëmshme T’i Shtrydhni Vetë Puçrrat?

Mos i humb

Pranojeni se ka diçka tunduese kur bëhet fjalë për të shtrydhur puçrat.

Por nëse pyesni një dermatolog ai do t’ju thotë se kjo është një ide e keqe.

Problemi qëndron në faktin se ky veprim nuk do të largojë domosdoshmërisht puçrrën por mund t’a përkeqësojë atë.

AgroWeb.org ju njeh më poshtë me arsyet që dermatologët e kundërshtojnë këtë veprim dhe me disa këshilla se si mund t’a bëni në mënyrë më të sigurt.

Mund të përfundoni me më shumë skuqje dhe ënjtje

Sipas ekspertëve shtrydhja mund ta irritojë puçrrën tuaj dhe të shkaktojë dëmtime nën lëkurë.

Kjo shpesh shkakton një përgjigje inflamatore duke dhënë më tepër skuqje dhe ënjtje.

Gjithashtu koha e shërimit mund të zgjatet më tepër.

Mund t’a infektoni

Shfaqja e një puçrre mund të shkaktojë traumë në lëkurë, e cila mund të krijojë një hyrje për bakteret e këqija.

Bakteret mund të përkeqësojnë inflamacionin ose të shkaktojnë një infeksion.

Mund të lërë shenjë

Inflamacioni mund të shpërbëjë kolagjenin dhe të rrisë pigmentimin në lëkurë.

Ky proces prodhon shenja atrofike të akneve dhe hiperpigmentim post-inflamator (njolla ose njolla të errëta në lëkurë).

Por çfarë mund të bëni në vend që t’i shtrydhni ato?

Provoni të përdorni një larës fytyre

Larësit që përmbajnë peroksid benzoil dhe acid salicilik mund të ndihmojnë në qetësimin e inflamacionit dhe zvogëlimin e lezioneve të akneve.

Këshillohuni me një dermatolog

Nëse puçrrat janë një problem i vazhdueshëm, duhet të vizitoheni tek një dermatolog, i cili mund të vlerësojë situatën e lëkurës tuaj.

Përveç ilaçeve, dermatologët mund të përdorin instrumente sterile për të hequr pikat e zeza dhe pikat e bardha.

Edhe pse mjekët e janë kundër shtrydhjes së puçrrave, ekziston një mënyrë më e sigurt për ta bërë këtë nëse nuk mund t’i rezistoni dëshirës.

Ndiqni këto hapa, për të reduktuar rrezikun e shkaktimit të traumave në lëkurë, infeksion dhe shenja.

Si të shtrydhni një puçërr?!

Fillimisht ju duhet të lani mirë duart. Kjo do të zvogëlojë shanset që bakteret të hyjnë në lëkurë dhe të shkaktojnë një infeksion.

Nëse jeni duke përdorur ndonjë mjet të posatshëm për të hequr pikat e zeza dhe pikat e bardha, sigurohuni që t’a sterilizoni edhe atë.

Aplikoni një kompresë të ngrohtë (ose bëni një dush të ngrohtë) paraprakisht për të zbutur dhe përgatitur lëkurën.

Duke përdorur një pecetë të pastër, shtypni butësisht lëkurën rreth puçrës.

Asnjëherë mos përdorni thonjtë sepse mund të gërvishtni pa dashje sipërfaqen e lëkurës.

Mos ushtroni shumë presion sepse kështu do të rrisni inflamacionin dhe skuqjen e lëkurës.

Aplikoni një krem ​​me antibiotik për të shmangur ndonjë infeksion të mundshëm.

Aplikoni një krem ​​me antibiotik për të shmangur ndonjë infeksion të mundshëm.

- ISLAMSHOP.CH -spot_img
- ISLAMSHOP.CH -spot_img

Të fundit