Të paktën 20 pjesëtarë të sigurisë humbën jetën në një sulm nga militantët talibanë në pikën ushtarake në rrethin Hashrud të provincës Nimruz në Afganistanin perëndimor.
Xhelil Vatandost, zyrtar lokal i rrethit Hashrud, u tha mediave se militantët kryen një sulm të armatosur në pikën ushtarake në zonën Dehmezeng në Hashrud.
Krahas 20 të vdekurve në mesin e forcave të sigurisë, gjashtë ushtarë po ashtu janë zënë rob nga militantët.
Ndërkohë, ende nuk është bërë asnjë deklaratë nga talibanët.
Nga ana tjetër, Ministria e Mbrojtjes e Afganistanit njoftoi se militantët në 24 orët e fundit kanë kryer sulme në 24 provinca.
