Filipinet liruan pothuajse 82 mijë të burgosur që nga mesi i marsit për të shkarkuar burgjet e mbipopulluara në vend mes pandemisë së COVID-19.
Shefi i Drejtësisë, Diosdado Peralta në një konferencë virtuale për media tha se 81.888 të burgosur u lanë të lirë nga 17 marsi deri më 16 tetor, raportoi e përditshmja “PhilStar Daily”.
Gjykatat e vendit po mbajnë seanca dëgjimore virtuale për të shmangur përhapjen e koronavirusit. Gati 46.032 të burgosur u lanë të lirë përmes këtyre gjykimeve.
Filipinet kanë shënuar 365.799 raste me COVID-19 që nga shpërthimi i pandemisë. Vendi i arkipelagut regjistroi ngadalësim të rasteve në 4 ditët e fundit.
Sot vendi raportoi 1.923 raste të reja dhe 132 viktima, duke e çuar numrin e të vdekurve në 6.915.
