Të paktën shtatë fëmijë kanë humbur jetën si pasojë shpërthimit të bombës së vendosur në rrugë në qarkun Mukur të provincës Ghazni të Afganistanit.
Zëdhënësi i Zyrës së Guvernatorit të Ghazni, Muhammed Arif Nuri, në deklaratën për shtypin tha se bomba e vendosur në rrugë ka shpërthyer derisa fëmijët luanin.
Në shpërthimin e ndodhur kanë humbur jetën 7 fëmijë, ndërsa 2 të tjerë janë plagosur.
Nuri tha se bomba në rajon është vendosur nga organizata e talebanëve.