Militantët talebanë kanë sulmuar nga katër anë qytetin historik afgan Ghazni.
Zëdhënësi i Zyrës së Guvernatorit të Ghaznit Muhammed Aref Nuri, tha se sulmi i militantëve në qendrën e qytetit është kryer në orët e hershme të mëngjesit.
Nuri tha se përleshjet më pas kanë vazhduar në një rajon në afërsi të qendrës së qytetit, me ç’rast është vrarë një numër i madh i talebanëve.
Ai njoftoi se forca mbështetëse janë dërguar në Ghazni në përpjekje për t’i zmbrapsur militantët.
Siç bëhet e ditur, rruga kryesore Ghazni-Kabul është mbyllur për qarkullim për shkak të përleshjeve.
Ndërkohë, talebanët përmes një njoftimi pohuan se militantët kanë hyrë në qendër të qytetit si rezultat i sulmit dhe se janë vrarë shumë ushtarë.
