Numri i të vdekurva nga koronavirusi i ri në kontinentin e Afrikës është rritur në 2.764.
Qendra afrikane për kontroll dhe parandalim të sëmundjeve (Africa CDC), njoftoi se në mbarë kontinentin janë shënuar mbi 3.000 raste në 24 orët e fundit duke arritur në 84.586.
Deri më tani janë shëruar 32.477 persona.
Numri i të vdekurve nga COVID-19 në Egjipt është 630, në Algjeri 548, në Afrikën e Jugut 264, Marok 192, Nigeri 182, Kamerun 139, Sudan 105.
Vendet me numrin më të madh të rasteve janë Afrika e Jugut, Egjipti, Maroku, Algjeria, Nigeria, Gana dhe Kameruni.
