Në kryeqytetin e Turqisë, Ankara, me pjesëmarrjen e presidentit të vendit Recep Tayyip Erdogan, me një sërë aktivitetesh është shënuar 15 Korriku, përvjetori i tretë i tentativës për grusht shteti të orkestruar nga organizata terroriste FETO.
Fillimisht Erdogan, në kuadër të programit të organizuar pranë Kompleksit Presidencial, u takua me të afërmit e martirëve dhe veteranëve, me të cilë zhvilloi bisedë të shkurtër.
Pastaj ata kaluan në Memorialin e Martirëve të 15 Korrikut.
Presidenti turk vendosi lule në memorial dhe pastaj bëri lutje për martirët.
Më pas, Erdogan kaloi në Xhaminë Beştepe Millet, ku mori pjesë në programin e hatmes së lexuar për martirët.
Ai këtu lexoi një pjesë nga Kur’ani.
Ndërkohë, në kuadër të shënimit të kësaj dite, edhe në Kuvendin e Madh Popullor të Turqisë (TBMM) u organizua një seancë e veçantë.
