Numri i të vdekurve u rrit në 36, pas shembjes së korsisë në një autostradë në provincën jugore kineze, Guangdong.
Mediat kineze raportuan se u gjetën edhe tre automjete të tjera që u përplasën në rrugën e shembur.
Mediat kineze kishin raportuar më parë 24 vdekje.
Shembja e një pjese rruge 18 metra të gjatë pranë qytetit Meizhou në autostradën Meizhou-Dabu ndodhi pas disa ditësh shiu të dendur në zonë.
Edhe pse provinca Guangdong është mësuar me shira të dendur, reshjet kanë qenë jashtëzakonisht të mëdha kohët e fundit.
Shumë rrugë ujore në rajonin e deltës së lumit Pearl janë fryrë në mënyrë të rrezikshme.
Përmbytje u raportuan gjithashtu në qytete dhe fshatra në veri dhe në jug të Guangzhou.