Kryetari i Partisë Demokratike, Lulzim Basha, përmes një mesazhi ka shprehur ngushëllimet më të thella për viktimat e tërmetit në Turqi, i cili ka shkaktuar, deri tani 21 viktima dhe ka shkatërruar shumë banesa.
Në një postim në Twitter, zoti Basha shprehet: “Ngushëllimet e mia më të thella për popullin turk dhe Presidentin Erdogan për viktimat e tërmetit. Mendimet dhe lutjet tona janë me familjet e viktimave. U urojmë shërim të shpejtë të plagosurve dhe shprehim solidaritetin me popullin e Turqisë”- shkruan kreu i opozitës.
