Kryetari i Partisë Demokratike, Lulzim Basha ndodhet në Këshillin e Evropës në Strasburg, ku nesër do të votohet për anëtarësimin e Kosovës në këtë organizëm ndërkombëtar.
Basha u shpreh se kjo është java e vendimeve të mëdha, pasi nesër votohet për anëtarësimin e Kosovës në Këshillin e Europës si dhe do të debatohet dhe votohet propozimi i tij për konfiskimin e aseteve shtetërore ruse dhe përdorimin e tyre për rindërtimin e Ukrainës.
“Asambleja Parlamentare e Këshillit të Evropës do të vendosë këtë javë për anëtarësimin e Kosovës. Dy ditë historike sot dhe nesër. Sot do të diskutojmë në komitetet parlamentare dhe në grupet politike dhe nesër me votë 46 vende, delegacionet e tyre parlamentare do të votojnë për anëtarësimin e Kosovës në Këshillin e Evropës”, tha Basha.
Njëkohësisht, theksoi ai, “nesër do të debatohet dhe do të votohet edhe propozimi i për konfiskimin e aseteve të federatës Ruse dhe vendosjen e tyre në dispozicion të rindërtimit të Ukrainës”, u shpreh Basha.