Basha publikon videomesazhin: Frika e pak njerëzve nuk mund të pengojë aspiratën e shumicës dërrmuese të shqiptarëve

Mos i humb

Kryetari i Partisë Demokratike, Lulzim Basha ka risjellë në vëmendje sërish një mesazh që dha dje nga salla e Kuvendit, ku deklaroi se frika e pak njerëzve nuk mund të pengojë aspiratën e shumicës dërrmuese të shqiptarëve.

Në videomesazhin e tij Basha thekson se politikanët e korruptuar që do të largohen nga politika e kanë bërë Shqipërinë të pajetueshme për shqiptarët dhe fëmijët e tyre.

MESAZHI I BASHËS
Por frika e pak njerëzve që kanë shpërdoruar dhe shpërdorojnë besimin e qytetarëve nuk mund të pengojë aspiratën e shumicës dërrmuese të shqiptarëve, për një ndryshim rrënjësor, që e ndan politikën nga krimi dhe e pengon shndërrimin e kësaj salle në një strehë për të korruptuarit dhe përfaqësuesit e krimit.
Në këtë sallë nuk mund të ketë vend për ta dhe jam i bindur që mungesa e tyre nuk do të trishtojë askënd!
Sepse shqiptarëve ju mungojnë fëmijët e tyre që janë larguar dhe largohen nga vendi për shkak të politikanëve të korruptuar. Jo politikanët e korruptuar që do të largohen nga politika dhe që e kanë bërë Shqipërinë të pajetueshme për shqiptarët dhe fëmijët e tyre.
Ju falemnderit!

- ISLAMSHOP.CH -spot_img
- ISLAMSHOP.CH -spot_img

Të fundit