Në kohën e fillimit të këtij viti në spitalet zvicerane ishin të zënë 40 për qind e të gjithë shtretërve të kujdesit intensiv, me pacientë të koronavirusit.
Ndërkohë kemi “vetëm” 27 për qind të shtretërve të përmendur, të zënë.
Me gjithë trendin e mirë, ende nuk ka arsye për t`u “çliruar” pasi që numri në fjalë mund të rritet përsëri.
Aktualisht 264 pacientë me koronavirus janë të shtruar në njësitë e kujdesit intensiv të spitaleve zvicerane, shkruan blick.ch.
Ndërsa në fillim të vitit ishin 410 të tillë.
Ndërsa në krahasim me muajin nëntor, kur qe raportuar kulmi i pandemisë në Zvicër, numri i tanishëm i rasteve paraqitet i përgjysmuar.
Por kjo nuk jep arsye për “çlirim” ose neglizhim.
Në këtë javë javë BAG ka raportuar për herë të parë që nga dhjetori, vlerën R (reprodukuese) prej më shumë se 1.
Kjo tregon se vuse virusi po përhapet jashtëzakonisht shpejt dhe, rrjedhimisht mund të pritet rritje e shpejtë e numrit të shtrimeve në spitale.
Veç kësaj, numri i mutacioneve të reja të koronës, që përhapen dukshëm më shpejt tanimë ka arritur në 20% të të gjitha infeksioneve.
Ndërsa në Britaninë e Madhe, ku këto mutacione kanë filluar disa javë më parë, ato përbëjnë tashmë afër 100% të të gjitha infeksioneve.
Prandaj, një zhvillim i ngjashëm mund të pritet edhe në Zvicër.
