Forcat ruse po ushtrojnë presion të fortë në linjat ukrainase në Donbas duke sjellë shkatërrime, duke intensifikuar sulmet kundër infrastrukturës hekurudhore dhe rrjeteve energjetike, deklaroi shefi i diplomacisë i BE-së, Josep Borrell.
”Ata kanë në shënjestër kryesisht sistemet energjetike, digat dhe tani edhe depozitat e gazit, gjithçka që është thelbësore për mbrojtjen e Ukrainës”, shtoi ai në Forumin e Industrive të Mbrojtjes BE-Ukrainë.
“Qytetet si Kharkiv dhe Odessa, qytete të bukura që kam vizituar disa muaj më parë, bombardohen vazhdimisht me raketa balistike dhe dronë. Putini dëshiron të bombardojë banorët për t’i dëbuar ata. Dhe, siç e dini, çdo ditë në Ukrainë civilët vdesin sepse Ukrainës i mungon mbrojtja ajrore dhe municionet e artilerisë”, shtoi ai.
”Ne duhet të rrisim kapacitetet tona për të furnizuar Ukrainën me ndihmat ushtarake që ia kemi premtuar”
