Policia britanike ka arrestuar një 38-vjeçar nën dyshimin se ka vrarë Sabina Nessa, një mësuese e shkollës fillore e cila u gjet e vdekur në parkun e Londrës, transmeton Anadolu Agency (AA).
Vrasja e Ness, e kryer teksa ecte drejt shoqeve pak minuta nga shtëpia e saj në jug të Londrës, ka ngritur përsëri shqetësimin se gratë nuk janë të sigurta në rrugët e qytetit.
Nessa, 28-vjeçare, u gjet e vdekur në Kidbrooke në juglindje të Londrës më 17 shtator.
Detektivët besojnë se ajo u sulmua gjatë, siç thuhet, ecjes pesë-minutëshe në parkun lokal për të takuar mikeshën në një lokal.
Trupi i saj u gjet të nesërmen.
Të enjten vonë, policia tha se ka arrestuar një person në afërsi të Londrës nën dyshimin për kryerjen e vrasjes.
Vdekja e Nessa-s erdhi muaj pas vrasjes së 33-vjeçares Sarah Everard, e cila u rrëmbye dhe u vra teksa po kthehej në shtëpi në mars. Një oficer i policisë jashtë detyrës pranoi se e kishte përdhunuar dhe vrarë.
Vrasja e saj tronditi publikun dhe çoi në protesta nga mijëra persona që dënuan dhunën ndaj grave.
Kryebashkiaku i Londrës, Sadiq Khan e përshkroi dhunën kundër grave të enjten si një “epidemi” kombëtare. Ai tha se burrat në të gjithë Anglinë kanë vrarë më shumë se 180 gra që nga marsi i vitit 2020.