Ministri i Punëve të Jashtme të Serbisë, Ivica Daçiç ka reaguar sërish ndaj Britanisë së Madhe.
Shefi i diplomacisë serbe, Ivica Daçiç ka reaguar pas sugjerimeve nga Londra zyrtare për shtetasit e Britanisë së Madhe që të mos udhëtojnë në veri të Kosovës.
“Unë i porosis serbët të mos udhëtojnë në Britaninë e Madhe derisa atje të jetë ky kaos politik, protestat dhe jostabiliteti. Më duhet të jem kështu cinik tani kur Britania e Madhe para terroristëve shqiptarë dhe xhihadistëve në Kosovë paralajmëron shtetasit e saj të mos shkojnë në krahina serbe. Nuk e di se çfarë është duke u përgatitur për veriun e Kosovës kur bëjnë paralajmërime të tilla”, deklaroi Daçiç për “RTS.
Ai nuk e ja përjashtuar mundësinë e shfaqjes së incidenteve të reja. Daçiç ka theksuar se kjo nuk është hera e parë që bëhet një paralajmërim i tillë. Sipas fjalëve të tij, paralajmërimet që bëhen për veriun e Kosovës, nganjëherë janë edhe të lidhura me kriminalizimin e serbëve që udhëheq Prishtina.
