Presidenti Bajram Begaj shprehu sot në mbledhjen e Përbashkët Vjetore të Këshillit të Lartë Gjyqësor dhe Këshillit të Lartë të Prokurorisë mbështetje për SPAK dhe GJKKO në dhënien e Drejtësisë.
Begaj mori pjesë në këtë takim me rastin e 111-vjetorit të Ditës së Drejtësisë, mbështetur nga Prezenca e OSBE-së në Shqipëri dhe Projekti EU4Justice.
Presidenti Begaj dha disa mesazhe në “Ditën e Drejtësisë” për funksionimin e sistemit të ri.
“SPAK-u dhe GJKKO-ja kanë kontribut në luftën kundër korrupsionit dhe krimit të organizuar. Drejtësia ka forcën, kurajën dhe energjinë të përballet e të triumfojë kundër krimit”, theksoi Begaj duke përcjellë përgëzime për punën e tyre.
“Për herë të parë kultura e pandëshkueshmërisë u trondit thellë”, u shpreh Begaj.