Presidentja në detyrë e Bolivisë, Jeanine Anez propozoi ditën e sotme zhvillimin e zgjedhjeve të parakohshme pas largimit të Evo Morales.
Kjo vjen si pasojë e protestave që kanë përfshirë të gjithë vendin teksa mbështetës të ish-presidentit përleshen me forcat e policisë duke shkaktuar dhe viktima.
Protestat filluan si pasojë e mos transparencës gjatë zgjedhjeve presidenciale në vend, ku Morales fitoi me shumicë vote.
Ky i fundit kërkoi ndërhyrjen e ndërkombëtarëve për të stabilizuar vendin nga të cilët nuk gjeti një reagim.
I detyruar nga rrethanat e krijuara ai dha dorëheqjen e më pas kërkoi azil politik në Meksikë.
Menjëherë pas largimit të Morales, senatorja e opozitës u vetëshpall Presidente e përkohshme e Bolivisë.
Por ky veprim ka acaruar më shumë gjendjen e protestave duke shkaktuar dhe përshkallëzimin e saj.
Ish-Presidenti Morales në një deklaratë për mediet Meksikane shprehet se është i gatshëm të kthehet në çdo moment në Bolivi nëse populli e kërkon.
