Ish-kryemnistri i vendit Fatos Nano ka votuar në Mullet bashkë me gruan e tij, Xhoanën. Pasi ka votuar, Nano nuk i ka lënë batutat ndërsa është shprehur se kur të dalë rezultati një pjesë do gëzohen e të tjerë do mërziten.
Ndërsa sa i përket pjesëmarrjes tha se ishte e ulët prandaj edhe ishte shfaqur për të nxitur.
“Kjo është pyetje që mund të bëhej deri mbrëmë.
Sot është ditë si gjithë të tjerat. Mos të jetë më e gjatë. Duhet të presim sepse më në fund një pjesë do gëzohen dhe një pjesë do mërziten.
Jam i sigurt se ata që do gëzohen do gëzohen për të gjithë. Ata që mërziten të mërziten për vete dhe mos t’u zgjas shumë. Pjesëmarrja ishte e ulët ndaj erdha ta nxis,”-tha Fatos Nano.
