Ekspertët zviceranë besojnë se në këtë pikë nuk nevojiten goditje shtesë në Zvicër.
Sipas specialistit të vaksinave, Alessandro Diana, duhet të kemi më shumë studime “për të kuptuar më mirë efektin e dozës së tretë.
Për momentin, asgjë nuk tregon se një injeksion i katërt i të njëjtit produkt do të ishte vërtet i dobishëm”.
Kompanitë farmaceutike kanë njoftuar se po punojnë për një vaksinë të riformuluar për të luftuar Omicron, por ekspertët thonë se është më mirë të presim dhe të shohim nëse ky variant vazhdon të infektojë, pasi më shumë njerëz ndërtojnë imunitet ndaj tij, shkruajnë mediat zvicerane.
“Qëllimi nuk është të forcojmë antitrupat tanë kundër një virusi që nuk ekziston më”, tha Giuseppe Pantaleo, drejtor i Departamentit të Imunologjisë dhe Alergjisë në Spitalin Universitar Vaud (CHUV).
