Here's a longer and higher quality video of the Baltimore bridge collapse. Crash and collapse happens at 2:34 pic.twitter.com/Vyp3rQLLHl
— BNO News Live (@BNODesk) March 26, 2024
Një urë në qytetin amerikan të Baltimorës është shembur tërësisht në lumin Patapsco pasi është goditur nga një anije me kontejnerë, sipas CNN.
Ekipet e shpëtimit janë duke kërkuar për të paktën shtatë persona në lumin Patapsco pas shëmbjes së Urës “Francis Scott Key” gjatë natës, ku ranë dhjetëra automjete, tha një zëdhënës i Departamentit të Zjarrfikësve të qytetit në Baltimorë.
“Agjencitë lokale telefonuan urgjencën rreth orës 1:30 të mëngjesit duke raportuar se një anije që po udhëtonte për në Baltimorë kishte goditur një kolonë të urës”, tha Kevin Cartwright, drejtor i komunikimit për Departamentin e Zjarrfikësve në Baltimorë.
Ura Francis Scott Key në Baltimorë u shemb herët në mëngjes pasi u godit nga një anije e madhe, sipas pamjeve të një videoje.
Videoja e përplasjes tregon një anije të lartë të drejtuar drejtpërsëdrejti drejt një prej kolonave mbështetëse të urës përpara se të përplasej me të. Përplasja shkaktoi menjëherë shembjen e pjesëve të urës.
Përplasja shkaktoi shtëllunga të mëdha tymi dhe zjarri në ajër dhe një pjesë e urës u duk se u shemb mbi pjesën e përparme të anijes, treguan pamjet video.
Tymi i errët vazhdoi të ngrihej në ajër për disa minuta
Nuk është ende e mundur të konfirmohet numri i viktimave të aksidentit tragjik pas shembjes së urës së Baltimorës në SHBA. Kështu thotë zëdhënësi i Brigadës së Zjarrfikësve të Baltimores, Kevin Cartëright, i cili e cilësoi aksidentin si “ngjarje me viktima masive”.
Rreziku për ata që kanë rënë në lumë dhe kanë mbijetuar është ai i hipotermisë. Përvecc 20 punonjësve të urës, në ujë kanë përfunduar dhe dhjetëra makina. Ndërkohë, gjatë kërkimit për të zhdukurit, një njollë e madhe nafte u raportua në lumin Baltimore pas shembjes së urës.