Presidenti i Turqisë, Recep Tayyip Erdogan, ka zhvilluar bisedë telefonike me presidentin e SHBA-ve, Donald Trump.
Në një njoftim për media nga qendra për shtyp e presidencës turke thuhet se gjatë bisedës telefonike të zhvilluar sot, Erdogan dhe Trump theksuan rëndësinë e ndjekjes së çështjeve të samitit të NATO-s dhe shkëmbyen mendimet në lidhje me Sirinë.
Erdogan uroi suksese për samitin mes presidentit të SHBA-ve Trump dhe atij të Rusisë, Vladimir Putin në Helsinki, duke vënë theksin mbi rëndësinë e këtij takimi.
Gjatë bisedës u theksua se zbatimi i udhërrëfyesit të përbashkët për çështjen e Munbixhit do të ofrojë kontribut të rëndësishëm në bashkëpunimin për zgjidhjen e çështjes së Sirisë.
Në bisedë, ku temë e diskutimit ishin edhe çështjet gjyqësore në mes të Turqisë dhe të SHBA-ve, presidenti turk dhe ai amerikan konfirmuan vendosmërinë e tyre për zhvillimin e mëtejmë të bashkëpunimit dypalësh në çdo fushë./Rtv Islam/
