Sipas një ankete nga Asociacioni Gallup International (GIA), presidenti i Turqisë, Recep Tayyip Erdoğan, zë vendin e parë si lideri më i pëlqyer botëror në Maqedoninë e Veriut, (AA).
Rezultatet e GIA-s, organizatë ndërkombëtare me bazë në Zvicër e cila merret me hulumtime të opinionit publik, treguan se 60 për qind e pjesëmarrësve në anketën e realizuar në Maqedoninë e Veriut kanë shprehur mendim pozitiv për presidentin Erdoğan.
Erdoğan ndiqet nga kancelarja gjermane Angela Merkel me 54 për qind, ndërsa i treti në listë radhitet presidenti rus Vladimir Putin, pasuar nga lideri i Kishës Katolike, Papa Françesku, dhe presidenti amerikan Donald Trump.
Ndërkaq, presidenti i Francës, Emmanuel Macron, i cili pengoi nisjen e negociatave të anëtarësimit të Maqedonisë së Veriut me Bashkimin Evropian (BE), radhitet i fundi në listë. Vetëm 21 për qind e të anketuarve kanë shprehur mendim pozitiv për liderin francez.
