Qeveria e Republikës së Shqipërisë dhe Qeveria e Republikës së Maqedonisë mbajnë sot takimin e parë të përbashkët ndërqeveritar në Pogradec.
Delegacioni i Qeverisë së Maqedonisë, i kryesuar nga kryeministri Zoran Zaev është pritur me ceremoni zyrtare, ndërsa më pas ka filluar mbledhje e përbashkët qeveritare Shqipëri-Maqedoni.
Kryeministri i Shqipërisë, Edi Rama dhe homologu i tij Zaev do të mbajnë një konferencë të përbashkët për mediat pas përfundimit të mbledhjes.
Sipas një njoftimi nga Qeveria e Shqipërisë, në fokus të bisedimeve mes dy qeverive do të jetë përmirësimi i marrëdhënieve dypalëshe përmes bashkëpunimit në fushën e infrastrukturës, intensifikimi i shkëmbimit të mallrave dhe shërbimeve si dhe forcimi i bashkëpunimit në fushën e sigurisë.
Gjithashtu është njoftuar se mes dy vendeve do të nënshkruhen edhe disa memorandume bashkëpunimi./Rtv islam/
