Ministri gjerman i Ekonomisë, Peter Altmaier tha se është i bindur se Bashkimi Evropian dhe SHBA do të gjejnë një “kompromis të arsyeshëm” për zgjidhjen e tensioneve tregtare.
Administrata e presidentit amerikan Donald Trump ka miratuar përjashtimin e BE-së nga rritja e taksave të eksportit të çelikut dhe aluminiumit por vetëm deri më 1 maj. Disa udhëheqës evropianë kritikuan kohën e shkurtër që është caktuar për bisedime.
Mediat gjermane të shtunën cituan ministrin Altmaier, i cili tha se BE dhe SHBA dëshirojnë të punojnë së bashku për t’u ballafaquar me sasinë e tepërt të çelikut në tregun global që vjen nga Kina.
Altmaier shtoi se janë duke kërkuar një qëndrim të përbashkët se si të luftojnë uljen e çmimeve dhe vjedhjen e pronës intelektuale.
“Duam të gjejmë zgjidhje që janë në përputhje me rregullat e tregtisë ndërkombëtare”, tha Altmaier./Rtv Islam/
