Kryetari i Lëvizjes Vetëvendosje, Albin Kurti përmes një postimi në facebook i është përgjigjur akuzave të presidentit Hashim Thaçi.
Ky reagim vjen pas akuzave të Thaçit që i bëri Kurtit dhe Vetëvendosjes për financime nga Irani dhe për mbajtjen e lidhjeve me presidentin e Rusisë, Vladimir Putin.
Ja postimi i tij:
“I mjeri Javert
Ky nuk mund të jetë president, me gjithë këtë dëshirë që ka për t’u bërë inspektor policie. Mendja e Thaçit është një vorbull që i dhemb atij e i kushton Kosovës. Shpif si polic në bodrume hetuesie, akuzon si prokuror në farsa prej gjyqi. Neni më i rëndësishëm i Kushtetutës së Republikës po bëhet neni 91”./Kosova Post/
