Tre persona, dy pakistanezë dhe një shqiptar, janë arrestuar nga policia greke në Athinë.
Ata akuzohen si anëtarë të një bande që kryente sistematikisht vjedhje në shtëpi, dyqane dhe makina në zonën e gjerë të Atikës.
Deri më tani janë hetuar plot 19 raste vjedhjesh ku dyshohet se autorë janë tre personat.
Ndaj të arrestuarve, si dhe 6 personave të tjerë me origjinë të huaj, anëtarë të grupit kriminal, të cilët janë identifikuar dhe janë në kërkim, është ngritur një çështje për të hetuar rastet.
Sipas ELAS, të akuzuarit kanë vepruar kryesisht në Kallithea, Akropolis, Paleo Faliro, Nea Smyrni dhe Agios Dimitrios. Hajdutët, anëtarë të bandës, vepronin në zonën e Omonias dhe kishin një rol të rëndësishëm në funksionimin e saj, pasi e financonin duke shitur direkt mallin e vjedhur.
Gjatë kontrollit në banesën e hajdutëve, u gjetën dhe sekuestruan ndër të tjera 3 celularë, një portofol, 2 karta krediti dhe shumën prej 200 euro. Të arrestuarit u dërguan në Prokurorinë Publike të Athinës.
