Kryeministri i Kosovës, Ramush Haradinaj në Ditën Botërore të Lirisë së Shtypit, përmes një postimi në Facebook, ka shprehur gatishmërinë e shtetit për krijimin e një ambienti të lirë e të siguri për gazetarët.
Ai ndër të tjera ka shkruar se liria e shprehjes dhe e shtypit janë levat e demokracisë, kësisoj të panegociueshme dhe duhet të shkojnë bashkë të integruara me përgjegjësinë.
Postimi i plotë:
Kosova, sipas raporteve ndërkombëtare ka bërë një përparim të ndjeshëm sa i përket lirisë së medias, por ne nuk do të ndalemi derisa të krijojmë një ambient plotësisht të lirë e të sigurt për gazetarët. Liria nuk mund të jetë e pjesshme, prandaj i ftoj gazetarët kosovarë që të punojmë në partneritet të ngushtë, që ta ndryshojmë këtë gjendje. Liria e shprehjes dhe e shtypit janë levat e demokracisë, kësisoj të panegociueshme dhe duhet të shkojnë bashkë të integruara me përgjegjësinë. RH